काठमाडौं, ४ साउन । नेपाल सरकारले गज्जबको एउटा योजना ल्यायो । बिना धितो बिना ब्याज युवाका लागि पाँच लाख । सरकारले युवालाई स्वदेशमा नै राख्ने वा व्यवसाय तर्फ आकर्षित गर्न यो योजना ल्याएको हो तर पोखरामा अहिले व्यवसाय गर्नेहरु ठुलो पिडामा रहेका छन् ।
लेखनाथमा गाई फर्म चलाउनेहरुलाई अहिले गाईको लागि औषधि अभाव भएपछि व्यवसायीहरु ठूलो चिन्तामा रहेका छन् । गाईलाई ज्वरो आउदा खुवाईने थाईकल लगायतका औषधिको अभावमा लेखनाथ क्षेत्रका दर्जनौँ गाईहरु मरिसकेका छन् । सरकारी निकायका प्रतिनिधि पनि त्यस ठाउँमा जान्छन् तर औषधि नभएपछि त्यसै फर्कने गरेका छन् ।
प्राबिधिकहरु आउँछन् गाई हेर्छन सल्लाह सुझाब दिन्छन् तर औषधी दिदैनन् । औषधीको अभावमा गाईहरु मर्न थालेपछि पनि सम्बन्धीत निकाय मौन छ ।
यति सम्मकी गाईलाई मानिसको औषधि खुवाउनु परेको छ । लेखनाथमा रहेको पवन गाई फर्मका संचालक पवन तिवारीले गाईलाई ज्वरो आएपछि औषधी नपाएको र मानिसलाई खुवाउने सिटामोल एउटा गाईलाई पाँच वटाको दरले खुवाएको बताएका छन् ।
उनले अब गाई मर्न दिनु भन्दा छ मानिसलाई खुलाउने औषधीले पनि काम गर्ला कि भनेर खुलाएको बताए । समान्य ज्वरो आएको औषधी समेत नपाएपछि सरकारले व्यवसाय गर्नेहरुलाई सहयोग नभएको व्यवसायीहरुले आभास गर्न थालेका छन् ।
सरकारले लगानी गरे पूर्ण कृषि मैत्री बनाउन नसके पनि आफ्नै पैसाले बिरामी गाईको उपचार गर्छु भन्दा पनि पाएका छैनन् । सामान्य ज्वरो आएको औषधी नपाउँदा गाईहरु मरिरहेका छन् भने अझ अरु रोग लाग्यो भने सरकारले के प्रबन्ध गर्दा ?
यसबारे किसानहरु झन चिन्तीत बनेका छन् । यसबारे बुझ्दा गण्डकी प्रदेशका भूमी व्यवस्था तथा कृषि सहकारी मन्त्री लेखबहादुर थापामगरले यो केन्द्रबाटै हेर्नुपर्ने बिषय भएको बताए ।
उनले केन्द्रको कुरा पर्खिएपछि प्रदेशले बल्ल काम थाल्ने बनाए । उनले यो बिषय मन्त्री परिषद्मा उठाउने र कृषकको समस्या हल गर्ने प्रतिबद्धता ब्यक्त गरे ।
