जापान, आइतबार, २७ असार २०७८ । गैर आवासिय नेपाली संघ जापानको नयाँ नेतृत्व चयनको संघारमा सदस्य तर्फ राजु पनेरुले उम्मेदवारी दिनु हुने भएको छ ।
एनआरएनए जापान राष्ट्रिय समन्वय परिषद २०२१-२०२३ कार्यकालका लागि सदस्यमा आफुले उम्मेदवारी दिन लागेको पनेरुले जानकारी दिनुभयो । नेपालमा स्नातक तहसम्म अध्ययन पुरा गर्नुभएका पनेरु एक दशक अघि जापान प्रवेश गर्नुभएको थियो ।
पनेरु जापानमा हाल जापानी कम्पनीमा काम गर्दै सामाजिक संघसंस्थामा सक्रिय रहँदै आउनुभएको छ ।
गोरखा समाज जापानको संस्थापक उपाध्यक्षको रुपमा काम गरिसक्नुभएका राजु पनेरुले एनआरएनए जापान क्षेत्रिय समिति तोचिगिको स्थापनामा सल्लाहकारको भूमिका निभाउनुभएको थियो । यसअघि सन् २०१७-२०१९ मा पनि एनआरएनए जापानको सदस्य तर्फ उम्मेदवारी दिनुभएका पनेरु एनआरएनए जापानभित्र देखिएको विकृति, विसंगति र आर्थिक अपचलनका कुराहरूलाई संस्था भित्र रहेर खबरदारी गर्न आफुले उम्मेदवारी दिएको बताउनुहुन्छ ।
‘संस्थालाई व्यक्तिकरण गरिनु हुँदैन, संस्थागत तबरले बिधि र बिधान संम्बत चलाईनुपर्छ ‘ भन्ने मुल मन्त्रका साथ एनआरएनए जापान २०२१-२०२३ कार्यकालको लागि केन्द्रीय सदस्य पदमा उम्मेदवारी घोषणा गर्नुभएका राजु पनेरुले जापानवासी नेपालीहरुबाट सकारात्मक सल्लाह , सुझाब र सहयोगको अपेक्षा गर्दै सत्य मन , बचन र कर्मले काम गर्ने प्रतिबद्धता ‘ जनाउनुभएको छ ।





































