बलिउड: बलिउड अभिनेता आमिर खानले मोबाइल फोन नचलाउने निर्णय गरेका छन् । आमिर खानले अब केही समय सामाजिक सञ्जाल तथा मोबाइल फोन नचलाउने निर्णय गरेका हुन् । उनी अहिले राजस्थानमा छन् ।
उनले आफ्नो फिल्मका ‘लाल सिंह चढ्डा’मा कुनै पनि असर नगरोस् भनेर फोन नचलाउने निर्णय गरेका हुन् । आफ्ना हरेक फिल्मका हरेक भूमिकालाई उत्कृष्ट बनाउन ध्यान दिने आमिरले मोबाइल फोनले आफ्नो कामप्रतिको लगावलाई भंग गरेको भन्दै मोबाइल नचलाउने भएका हुन् ।
आमिरले सोमबार देखि नै मोबाइल फोन चलाउँन बन्द गरेका छन् । उनले केही महत्वपूर्ण काम परेर सम्पर्क गर्न चाहेका व्यक्तिहरुको लागि म्यासेन्जर प्रयोग गर्न बताएका छन् । उनले उक्त म्यासेन्जर प्रयोगगको लागि पनि फिल्म ‘लाल सिंह चड्ढा’ को एक टिमलाई जिम्मा दिएका छन् ।
आमिर खान अब मुम्बई आउँदै छन् । त्यस लगतै उनी लाल सिंह चड्ढा को सुटिङमा व्यस्त रहने छन् । फिल्म सन् २०२१ को क्रिसमसमा रिलिज हुने छ । फिल्ममा आमिर खानको साथमा करिना कपुर खान र मोना सिंह पनि देखिने छन् । अद्भित चन्दनको निर्देशनमा तयार भएको यो चलचित्रमा नायक आमिर खान फरक–फरक भूमिकामा देखिने छन् ।






































