Opens in a new tab
२०८३ मंसिर ४, बिहीबार
७:२३:०८ बेलुका
- ADVERTISEMENT -

बेइजिङमा नेपाली पहिरन उत्कृष्ट

प्रकाशित मिति: २०७५ मंसिर १०, सोमबार

1521
Shares

बेइजिङ, १० मङ्सिर २०७५ । सयथरी बाजा एउटै तालसयथरी घोडा एउटै चालनेपथ्यबाट गुन्जिएको सुमधुर धुनसँगै नेपालका विभिन्न जातीय पोसाक लगाएका युवायुवतीहरू मञ्चमा कम्मर मर्काउँदै चन्द्रसूर्य झन्डासहित निस्किए ।

मञ्चको पृष्ठभूमि दृश्यमा चम्किलो हिमाल थियो । दुई मिनेटपछि धुन परिवर्तन भएर चुड्काको तालमा ‘कल्ले देला धन मलाई कल्ले देला मन’ बोलको गीत बज्न थाल्यो । मञ्चमा देखिएका कलाकारको चाल पनि परिवर्तन भयो । एकै मिनेटमा मञ्चको पृष्ठभूमिको दृश्यसँगै धुन फेरि बदलियो ।

पश्चिम कोही पूर्व घर, आँगन तर एउटै हो
सहेर बसे के भो, सन्तान त एउटै हो ।

पाँच मिनेटमै पूरै नेपाल झल्काउने यो दृश्य बेइजिङमा आयोजित अन्तर्राष्ट्रिय कूटनीतिक फेसन सो प्रतियोगिताको हो । यतिबेला नेपाली चेली शृंखला खतिवडा चीनको सान्यामा विश्व सुन्दरी प्रतियोगितामा सहभागी हुँदै सबैसँग भोट मागिरहेकी छन् ।

उनले मञ्चमा गाउन समाल्न नसकेर अलमलिएको भिडियो भाइरल भइरहेको बेला चीनको राजधानी बेइजिङमा कूटनीतिक पोसाक प्रदर्शनी अर्थात् डिप्लोम्याटिक फेसन सो प्रतियोगितामा नेपालले सानदार प्रस्तुति दिएको छ ।

बेइजिङको ल्याङमाछ्यावोमा आइतबार अपराह्न आयोजित कूटनीतिक फेसन सोमा नेपालका तर्फबाट नौजना विद्यार्थी र एकजना कूटनीतिज्ञ सहभागी रहे । मञ्चको पृष्ठभागमा राखिएको विशाल पर्दामा नेपाल चिनाउने दृश्यहरू देखिँदै थिए ।

नेपालको प्राकृतिक सौन्दर्य देखाउने हिमालदेखि काठमाडौं उपत्यकाका विभिन्न सम्पदाका दृश्यले नेपालको प्रस्तुति निकै ओजपूर्ण देखिन्थ्यो । अन्य राष्ट्रको भन्दा भिन्न झन्डाको आकार र नेपालको राष्ट्रिय पोसाकमा नेपालीहरू संगीतको तालसँगै मञ्चमा बिरालो चालमा हिँड्दाको दृश्यले सबैलाई लोभ्याउँथ्यो भने दर्शकहरूले ताली लगाएर स्वागत गरेका थिए ।

नेपाली विद्यार्थीहरूले नेपालका मुख्य समुदाय नेवार, तामाङ, थारू, शेर्पा लगायतका पोसाक प्रदर्शन गरेका थिए । बेइजिङका विभिन्न विश्वविद्यालयमा अध्ययन गरिरहेका विद्यार्थीसँगै बेइजिङस्थित नेपाली दूतावासमा सैनिक सहचरी रहेका जर्नेल विनोद पाण्डे फेसन सोको क्याटवाकमा सहभागी थिए ।

गत वर्ष राजदूत लीलामणि पौड्याल आफैं मञ्चमा क्याटवाकमा निस्किएका थिए । यो पटक चाहिँ नेपाली विद्यार्थीहरूका साथमा कूटनीतिज्ञको तर्फबाट सैनिक सहचरी विनोद पाण्डे मञ्चमा उत्रिएका हुन् ।

चीनमा हरेक वर्ष कूटनीतिक नियोगहरूका बीचमा पोसाक प्रदर्शनी अर्थात् फेसन सो हुने गर्दछ । आइतबार आयोजना भएको आठौं संस्करणमा १६ वटा राष्ट्रहरू सहभागी थिए । प्रतियोगितामा जर्मनी, कोरिया, बुल्गेरिया, इजिप्ट, गुयाना, इन्डोनेसिया, मलेसिया, माल्दिभ्स, नेपाल, पेरू, रुस, श्रीलंका, उक्रेन, उज्वेकिस्तान, बेलारुस र चीन सहभागी थिए । सबै राष्ट्रका सहभागीले आफ्नो देशको विभिन्न जातीय पोसाकसँगै छोटाछोटा सांस्कृतिक प्रस्तुति पनि दिएका थिए ।

प्रतियोगितमा सहभागी १६ मुलुकमध्ये नेपालले दुईवटा उपाधि जितेको छ । नेपालले बेस्ट कस्ट्युम अवार्ड अर्थात् उत्कृष्ट पोसाक पुरस्कार र बेस्ट चार्मिङ अवार्ड अर्थात् उत्कृष्ट चमकदार पुरस्कार जितेको छ । सबै सहभागीमा दुईवटा पुरस्कार जित्नेमा नेपाल मात्र रह्यो । समग्र नतिजामा बेलारुस प्रथम भएको छ भने मलेसिया दोस्रो भएको छ ।

त्यसैगरी रुसले तेस्रो पुरस्कार जितेको छ । सो प्रतियोगिताको निर्णायकमा बेलारुस, श्रीलंका, पेरू, इन्डोनेसिया र इजिप्टका कूटनीतिज्ञहरू थिए भने अन्य सातजना चिनियाँ कूटनीतिज्ञ रहेका थिए ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -
Nepal Exchange Rates
Currency
Unit
Buy
Sell
INR
Indian Rupee
100
160.00
160.15
USD
U.S. Dollar
1
149.21
149.81
EUR
European Euro
1
163.75
164.41
GBP
UK Pound Sterling
1
196.53
197.32
CHF
Swiss Franc
1
177.22
177.93
AUD
Australian Dollar
1
100.40
100.80
CAD
Canadian Dollar
1
104.22
104.64
SGD
Singapore Dollar
1
115.71
116.18
JPY
Japanese Yen
10
9.37
9.41
CNY
Chinese Yuan
1
22.39
22.48
SAR
Saudi Arabian Riyal
1
39.77
39.93
QAR
Qatari Riyal
1
40.94
41.10
THB
Thai Baht
1
4.39
4.41
AED
UAE Dirham
1
40.63
40.79
MYR
Malaysian Ringgit
1
36.25
36.40
KRW
South Korean Won
100
11.20
11.25
SEK
Swedish Kroner
1
14.70
14.76
DKK
Danish Kroner
1
21.91
22.00
HKD
Hong Kong Dollar
1
19.02
19.09
KWD
Kuwaity Dinar
1
483.04
484.98
BHD
Bahrain Dinar
1
395.52
397.11
OMR
Omani Rial
1
387.55
389.11
- ADVERTISEMENT -