टोकियो, २ असार २०७६ । नागोयामा पहिलो पटक आयोजना भएको नेपाल फेष्टिवलमा आ-आफ्नो क्षेत्रबाट सहयोग गर्नुहुने सबैलाई आयोजकले धन्यवाद ज्ञापन गरेको छ । आज एक प्रेस विज्ञप्ती जारी गर्दै आयोजकले सबैमा धन्यवाद व्यक्त गरेको हो ।

फेष्टिवलमा विभिन्न प्रकारका नेपाली झाँकीहरु प्रस्तुत गरिनुको साथै कलाकारहरु बाट वेजोड सांस्कृतिक कार्यक्रम प्रस्तुत गरिएको थियो । कार्यक्रममा नेपाली परम्परा अनुसारको विवाह , व्रतबन्ध , नेपाली फेसन सो , पंचेवाजा हेर्ने व्यवस्था गरिएको थियो ।

आर्कषक नेपाली बाटुले घरमा फोटो खिचाउनेहरुको भिड नै देखिन्थ्यो ।

जुन १५ तारिक जापानका लागी नेपाली राजदूत प्रतिभा राणाले फेष्टिवलको समुदघाटन गर्नु भएको थियो । कार्यक्रमको आयोजकमा जापान स्थित नेपाली राजदुतावास र एनआरएनए , जापान रहेको थिए l सह- आयोजकमा जापान स्थित विभिन्न संघसंस्थाहरू थिए l






































