के पी भट्ट, कनेटिकेट, २० मे २०१९ । गैर आवासीय नेपाली संघ अमेरिकाको वर्ष २०१९/२१ का लागि कार्यसमिति चयनका लागि भएको मतदानको नतिजा केही समयभित्र प्रकाशन हुने भएको छ ।
निर्वाचन समितिले जारी गरेको निर्वाचन कार्यतालिका अनुरुप आधिकारिक नतिजा घोषणा मे २१ भएको भएपनि निर्वाचन समितिले त्यस अघि नैं नतिजा सार्वजनिक गर्न लागेको हो ।
इलेक्ट्रोनिक रुपमा अनलाइनको मतदानको व्यवस्था रहेकाले मत गणना गर्न सहज देखिएपछि निर्वाचन समितिले एक दिन अघि नैं नतिजा सार्वजनिक गर्न लागेको हो ।
आज आइतवार राती पूर्वीय समय अनुसार ११ वजेर ५९ मिनेटसम्म मतदान गर्न सकिने छ । मतदान गर्ने समय सकिएको केही समय भित्रैं नतिजा सार्वजनिक गर्न लागिएको निर्वाचन समितिले जनाएको छ ।
एनआरएनए अमेरिकाको वेभसाइट मार्फत आधिकारिक नतिजा सार्वजनिक गरिने बताइएको छ । नतिजा भोली सोमवार विहानको सुरुवातमा सार्वजनिक गर्ने गरी निर्वाचन समितिले काम अगाडि बढाएको बताइएको छ ।





































