अघिल्ला दुई कारोबार दिन पनि घटेको सेयरबजारमा आइतबार पनि गिरावट जारी रहेको छ । बैंक तथा वित्तीय संस्थाको खराब दोस्रो त्रैमास रिपोर्टसँगै बजार दोहोरो अङ्कले घटेको हो ।
बिहीबार ७.२४ अङ्कले घटेर बन्द भएको सेयरबजार आज थप २५.६३ अङ्कले घटेर २१३०.१८ विन्दुमा बन्द भएको हो । अघिल्लो कारोबारको दिन कुल ८ अर्ब १७ करोड ४९ लाख ८६ हजार दुई सय ८२ रुपैयाँ बराबरको कारोबार भएकोमा आज कारोबार रकम घटेर ७ अर्ब ६७ करोड ७७ लाख ४० हजार ५८ रुपैयाँ पुगेको छ । बजार घट्दा आज कारोबार रकममा पनि गिरावट भएको हो ।
आज सर्वाधिक कमाउने कम्पनीहरुमा समाज लघुवित्त, आँखुखोला हाइड्रो र हिमालयन लघुवित्त कम्पनी रहे । ती कम्पनीको सेयर मूल्य ९.९ प्रतिशत बढीले वृद्धि भयो । सोमबार सर्वाधिक गुमाउनेमा सिएचडिसि, मोलुङ हाइड्रो, विजय लघुवित्त, बाराही हाइड्रो र एभरेस्ट बैंक रहे । उक्त कम्पनीहरुको सेयरमूल्य ५ प्रतिशत भन्दा बढीले घट्यो ।






































