लण्डन, आइतबार, ६ चैत्र २०७८ । फोनिज युकेको अध्यक्षमा गोमा राना चयन हुनु भएको छ । उहाँ यसअघि उपाध्यक्षको आफ्नो महत्वपुर्ण जिम्मेवारी निर्वाह गर्नु भएको थियो ।
फार्नब्रोमा आयोजित वार्षिक साधारण सभामा शाखाकी अध्यक्ष प्रमिला लाबुङ राईले सबैलाई समान अवसर प्रदान गर्न र नेतृत्व विकासका लागि आफूले अध्यक्ष पदबाट राजीनामा दिएको बताउनु भयो । राईले नवनिर्वाचित रानालाई कागजात हस्तान्तरण गर्नु भएको छ ।
साधारणसभाले बेलायतमा फोनिज युके पत्रकारिता पुरस्कार स्थापना गर्ने निर्णय गरेको छ । सो पुरस्कारका बारेमा कार्यसमितिले विस्तृत योजना बनाउने बताइएको छ ।
फोनिज युकेले यसअघि नै नेपालमा फोनिज युके पत्रकारिता पुरस्कार स्थापना गरिसकेको छ । जसबाट हरेक वर्ष दुईजनालाई २५–२५ हजार रुपैयाँसहित पुरस्कार प्रदान गरिँदै आएको छ ।
- ADVERTISEMENT -
