जापान, २१ साउन २०७८ । गैर-आवासिय नेपाली संघ राष्ट्रिय समन्वय परिषद जापानको यहि जुलाई ३० तारिख सम्पन्न भएको निर्वाचनमा भएका जाल,झेल र सामाजिक अपराध लाई लिगेर NRNA जापान क्षेत्रिय समिति नागानोले दुख व्यक्त गर्दै तत्कालै सामाजिक अपराधमा संलग्न भएका गिरोहहरुको पहिचान गरेर सार्वजनिक गर्न छानबिन समिति लगाएत जापानबासी नेपालीहरु लाई यस कार्यमा सहयोग गर्न आफ्नो फेसबुक पेजबाट अपिल गरेको छ।
क्षेत्रिय समिति नागानोले सामाजिक संघ,संस्थाको निर्वाचनमा भएका यस्ता प्रदुषित कार्यले संस्थाको गरिमा र महत्व नै संकटमा पर्न सक्ने धारणा व्यक्त गर्नुका साथै भारतको ऊडिसा राज्य,काठमाडौ र पोखराबाट हजारौको सङख्यामा मतदान हुनु अत्यन्तै निन्दनिय कार्य भएको धारणा व्यक्त गरेको छ।
यस अघि चिवा क्षेत्रिय समितिले पनि आफ्नो अभिभावक संस्था र आफुहरुलाई नेतृत्व गर्ने संस्थाको निर्वाचनका क्रममा यस्ता गतिविधि देखिनुले सच्चा मनले सामाजिक अभियानमा लागेकाहरुको भावना ठेस पुगेको र छानबिन समितिले सामाजिक संजालमा देखिएका प्रमाणहरुले नै निर्वाचन धादली पुर्ण भएको देखिएको हुनाले तत्काल एक्सनमा जान अनुरोध गरेको थियो।
साथै सामाजिक संघ,संस्थामा भएका यस्ता गलत प्रवृतीको साक्षी नबस्न समेत जापान स्थित NRNA अभियानका अग्रजहरुलाई समेत क्षेत्रिय समितिहरुले जानकारी गराएको पाईन्छ।





































