फ्रान्स, बुधबार, २२ पुस २०७७ । छिटो, मिठो र सस्तो । यिनै तीनवटा गुणका कारण म:म नेपालीहरूका लागि सर्वाधिक लोकप्रिय खाजा बन्न पुगेको छ ।

नेपाली खाजाहरूमध्ये सबैभन्दा बढी रुचाइने परिकार म:म नै हो । के हिमाल, के पहाड, के तराई, के धनी, के गरिब सबैका लागि म:म उत्तिकै प्रिय परिकार हो ।
नेपालका ९० प्रतिशतभन्दा बढी रेस्टुराँ, क्याफे तथा होटलका मेनुमा म:म ले ठाउँ पाएको छ ।
तारे होटलदेखि ठूला रेस्टुराँहरूमा मात्र होइन, सामान्य खाजा पसलहरूसम्म म:म पाकेकै हुन्छ । नेपाली बजारमा थरीथरीका मूल्य, स्वाद तथा स्वरूपका म:म उपलब्ध छन् ।
बफ, चिकेन र भेज बढी चल्तीका म:म हुन् । सर्वाधिक रोजाइमा बफ म:म पर्छ । त्यसपछि, चिकेन बढी बिक्री हुन्छ भने भेज, पोर्क तथा पनिर म:मको माग पनि उत्तिकै छ । भेराइटिजका हिसाबले स्टिम म:म सबैभन्दा लोकप्रिय छ । त्यसपछि, झोल, सी, कोथे अनि फ्राई म:म नेपाली जिब्रोले बढी खोज्ने म:म हुन् ।

हुन त म:म नेपालको रैथाने परिकार होइन । विशेषगरी काठमाडौँ उपत्यकाका नेवार समुदाय व्यापारका शिलसिलामा तिब्बत जाने–आउने क्रम चल्दा म:म बनाउने कला पनि नेपाल भित्रियो ।
तर, रमाइलो के भने स्थानीयले म:म लाई आफ्नै स्वाद र शैलीमा ढाले, त्यसमा नयाँपन दिए ।

विशेषत: तिब्बती म:म मा मसलाको प्रयोग हुँदैन । अचारमा पनि खासै विविधता हुँदैन । तर, नेवार समुदायको भान्छामा हुर्किन पाएको म:म ले भने त्यही अनुसार ट्वाक्क स्वाद पाउन सफल भयो ।
फास्ट फुड व्यवसायमा म:म को हिस्सा उल्लेख्य वृद्धि हुँदै गएको छ । नेपालीलाई नभई नहुने अनि एकपटक स्वादको चस्का परेपछि विदेशीसमेत पल्किने । यही कारण होला, विदेशका रेस्टुराँका मेनुमा समेत अचेल म:म थपिन थालेको छ ।
सोही अनुरुप लामो समयको प्रतिक्षापछि फ्रान्सको राजधानी पेरिस शहरमा नेपालीको पहिलो मःम रेस्टुरेन्ट खुलेको छ । कर्मथलो बिदेश भएतापनि नेपाली स्वाद लिनका लागि मःम हाउस पेरीसमा खुलेको हो ।

विगत ६ बर्षदेखि सुन्दर नगरी फ्रान्सको पेरिसमा व्यबसाय गर्दै आउनु भएका बिदेशमा कर्मभुमी बनाएका नुवाकोट निवासी शिव राम भण्डारी कुशल सफल व्यवसायी हुनु हुन्छ ।
भण्डारीले फ्रान्स सरकारको प्रतिनिधि मार्फत कुशल व्यवसायमा निपुर्णता बापत पुरस्कृत समेत हुनु भएको छ ।
पछिल्लो समय नेपाल, हामी नेपालीले मौलिक रुचाहिएको बिभिन्न परिकारको विश्व समुदायमा परिष्कृत गर्ने क्रममा उहाँले बिश्वब्यापी महामारीको रुपमा फैलिएको कोरानाको भाइरसको कहरमा व्यवसाय धारासायी भएतापनि आफु नेपाली भएको र नेपाली मःम स्वादको बिस्तारको लागि प्रतिकुल समयको पनि सामना गर्न साहस गरी फ्रान्सको राजधानी पेरिस शहरमा नेपालीको पहिलो मःम रेस्टुरेन्ट भण्डारीले बताउनु भयो ।





































