- ADVERTISEMENT -

कतारले क्वारेन्टाइन र आइसोलेसनमा रहेका श्रमिकको पूरा तलब दिने

April 1, 2020
841
Shares
- ADVERTISEMENT -

कतार, १९ चैत २०७६ । कतारले कोरोना भाइरसको संक्रमण नियन्त्रणका लागि क्वारेण्टाइनमा बस्नु परेका तथा आइसोलेसनमा राखिएका श्रमिकले पूरा तलव पाउने स्पष्ट गरेको छ । मन्त्रालयका सहायक उपसचिव मोहम्मद हसन अल ओर्वाइद्लीले कम्पनीहरूले श्रमिकको पूर्ण खर्च व्यवहोर्ने बताएका हुन् ।

ओर्वाइद्लीले मंगलबार आयोजित पत्रकार सम्मेलनमा भने ‘हामीलाई थाहा छ की उनीहरू (श्रमिक) लाई क्वारेण्टाइन वा आइसोलेसनमा राखिएको भनेको हामी सबैलाई सुरक्षित राख्नका लागि नै हो र कम्पनीहरूले उनीहरूको सम्पूर्ण खर्च व्यवहोर्नु पर्दछ ।’

- ADVERTISEMENT -

Advertisement

कतारको श्रम तथा सामाजिक मामिला मन्त्रालयले श्रमिकलाई पूरा तलव दिनु अनिवार्य रहेको भन्दै हरेक कम्पनीहरू तथा रोजगारदाताहरूले कानून पालना गर्नुपर्ने बताएको छ ।

कतारले विशेषगरी साना तथा मझौला व्यवसायीलाई वर्तमान संकटको समयमा श्रमिकलाई तलब भुक्तानीका लागि ३ अर्ब कतारी रियाल बराबर राहत उपलब्ध गराउने भएको छ । जुन बैंकमार्फत ऋणका रुपमा लिन सकिन्छ । तर, सो रकम व्यवसायीले नगद निकाल्न पाउने छैनन् । किनकि श्रमिकको खातामा बैंकले सोझै भुक्तानी गरिदिने मन्त्रालयले स्पष्ट पारेको छ ।

- ADVERTISEMENT -

Advertisement

हाल कतार बाहिर रहेका श्रमिकको हकमा भने उनीहरूले कम्पनीका लागि काम गर्नु नपरेका कारण उनीहरूले बेतलवी बिदा पाउनेछन् । यसअगाडी कतारले श्रमिकको कुनै गुनासो भएमा गुनासो दर्ताका लागि हटलाइनको व्यवस्था गरिसकेको छ ।

- ADVERTISEMENT -
- ADVERTISEMENT -
- ADVERTISEMENT -
- ADVERTISEMENT -