टोकियो, ८ चैत २०७६ । गैरआवासीय नेपाली संघ जापानले एलिजा केसी भण्डारीलाई कोरोना भाईरस सहजीकरण संयोजक तोकेको छ ।
एनआरएनए आईसीसीको परिपत्र अनुरुप,एनआरएनए जापानको तर्फबाट कोरोना भाईरसबारे, नजिकबाट अध्यन गरिरहनु भएकी र पब्लिक हेल्थमा पीएचडी गर्दै रहनु भएकी साथै एनआरएनए जापानको उच्चस्तरीय समिति सदस्य समेत रहनुभएकी एलिजा केसी भण्डारीलाई मनोनीत गरीएको हो ।
एनआरएनए जापानका अध्यक्ष, देवीलाल भण्डारीका अनुसार, यस अभियानको लागि अब छिट्टैनै संयोजकहरुको मातहतमा बिभिन्न क्षेत्रबाट पनि समन्वयकर्ताहरु लाई मनोनित गरी, नेपाली समुदायलाई कोरोना भाईरसको प्रकोपबाट बचाउनका निम्ति आवस्यक कदम चालिने छ ।
त्यस्तै, महासचिव जनक विक्रम शाहीका अनुसार जापानमा रहनुहुने सम्पूर्ण नेपालीहरुलाई यस विषम परिस्थिति बाट बच्न सावधानीका उपायहरु अवलम्बन गरी सुरक्षित रहनका लागि जनचेतना फैलाउन बनेको यस संयन्त्रमा सबैको सहयोगको अपेक्षा गरिएको छ ।
एनआरएनए जापानले , हाललाई कोरोना भाईरस सम्बन्धि कुनैपनी आवस्यक जानकारीको लागि संयोजक एलिजा केसी भण्डारी , एनआरएनए जापान कार्यसमिति तथा हेल्पलाईन नम्बर ०८० – ९७०० – ६०११ र क्षेत्रीय संयोजकहरुलाई सम्पर्क गर्न अनुरोध गरेको छ ।
नवनियुक्त संयोजक केसीसंग, ईमेल :- 18mp204 @ slcn . ac . jp मेलमार्फत तथा सम्पर्क नम्बर :0 90 – 6565 – 4748 मा सम्पर्क गर्न सकिनेछ ।





































