काठमाडौं, ४ चैत २०७६ । संयुक्त राष्ट्र संघीय शान्ति मिसनअन्तर्गत लेबनानमा मृत्यु भएका नेपाली सेनाका अमलदार नरबहादुर मगरको अन्तिम बिदाई गरिएको छ ।
गएको मंगलबार एक सवारी दुर्घटनामा परी मुत्यु भएका ३ बर्षिय मगरको अन्तिम विदाई गरिएको हो ।
लेबनानस्थित संयूक्त राष्ट्रसंघीय अन्तरिम बलका प्रमुख मेजर जनरल स्टेफनो कोलको उपस्थितिमा राजधानी बैरुटको र्याफिक हारिरी इन्टरनेसनल एयरपोर्टमा मगरको अन्तिम विदाई गरिएको हो ।
मगरले गरेको योगदानको कदरस्वरुप कोलले ‘यूएन मेडल’बाट सम्मान समेत गरे । युनिफिलका फोर्स कमाण्डर मेजर जनरल स्टेफानो डेल कोलले मृतकको परिवारप्रति गहिरो समवेदना प्रकट गरेका छन् । मगरको शव सोमबार नै नेपाल पठाइएको छ ।
मृतक मगर शान्ति सैनिक चार महिनाअघि एक वर्षका लागि लेबनान गएका थिए।
दक्षिण लेबनानको मेस एज जेबेलस्थित नेपाली क्याम्पमा सामान ओसारपसार गर्दा उनको टाउकोमा चोट लागेको थियो। उनको मृ(त्युको कारणबारे थप अनुसन्धान भइरहेको युनिफिलले जनाएको छ।





































