लक्ष्मी पाैडेल टाेकियाे, ८ जुन २०१९ । समृद्ध नेपाल अभियानमा सघाउन डायस्पोरामा रहेका विज्ञहरुको सुझाव संकलन गर्न  नेपाल जापान डाईलग सिरिजको चाैथाे शृंखला टोकियोस्थित जाइका हलमा सम्पन्न भएकाे छ ।

जापानमा रहेर विभिन्न क्षेत्रमा कार्यरत नेपालीहरुको आयोजना, नेपाली राजदूताबास जापानको सहयोग र क्योदाई रेमिट्यान्सकाे प्रायोजनमा कार्यक्रम सम्पन्न भएकाे हाे । नेपालमा वढ्दै गएकाे सुचना, सञ्चार र प्रविधिकाे अवस्था विषयमा अन्तरक्रिया  गरिएकाे र  प्राप्त सुझावको निचोड राजदूतावासको सहयोग मार्फत नेपाल सरकारकाे सम्वन्धित  ठाउँहरुमा बुझाउने कार्यक्रम रहेको अायाेजकले जानकारि दिएकाे छ ।

कार्यक्रमलाई डा. कुमार वस्नेतले सहजीकरण गर्नुभएकाे थियाे ।  कार्यक्रममा टोक्यो अन्तराष्ट्रिय बिश्व बिधालयका भ्वाईस प्रेसिडेन्ट डक्टर जय राजसेकारा , रिसर्चर डक्टर यासुनोरि ओवादा ,डक्टर बेद काफ्लेले सुचना, सञ्चार र प्रविधिसंग सम्बन्धित बिषयमा नेपाल तथा जापानको बर्तमान अबस्था र सम्भाबनाको बिषयमा बोल्नु भएको थियो । त्यसैगरी आइ टि मार्फत मौसम सम्बन्धि जानकारीको बारेमा कोजि किनोउचि , इन्टरनेट मार्फत बिधार्थीलाई अध्यापन गराउने बिषयमा ताईसुके फुकुनो र नेपालको आफ्नै पहिलो सेटेलाईट अन्तरिक्षमा पठाउनु भएका आभास मास्के लगायतले आफ्नो बक्तब्य राख्दै सहभागिको जिज्ञासाको सहजिकरण गर्नु भएको थियो ।

कार्यक्रम राजदुत प्रतिभा राणाको आतिथ्यतामा मिनिस्टर काउनसिलर कृष्ण चन्द्र अर्यालको अध्यक्षतामा  तथा प्रोफेसर नेत्र प्रकास भण्डारीको संचालनमा सम्पन्न भएको थियो ।

जापानमा सुचना सञ्चार र प्रविधिकाे  क्षेत्रमा कार्यरत नेपाली तथा जापानी विज्ञहरुबीच भएकाे अन्तरक्रिया कार्यक्रममा नेपालको  आइटी सेक्टरसंग सम्बन्धित सञ्चार,सुचना र प्रविधिकाे सेवा प्रणालीको विभिन्न माइक्रो तथा म्याक्रो लेभलका बिषयमा छलफल भएकाे थियाे ।

जानकारीको लागी तल फोटोमा किल्क गर्नु होला ,सुमेघ ट्राभल्स्