के पी भट्ट, कनेटिकेट अमेरिका, अप्रिल २६, २०१९ । इन्जिनियर शिवराज पौडेलले गैरआवासीय नेपाली संघ अन्तर्राष्ट्रिय समन्यव परिषद एनआरएनए (आईसीसी) मा सदस्य पदमा उम्मेदवारी दिनुभएको छ ।
२०१४ मा पहिलो पटक NRNA अमेरिकाको सदस्य बनेका पौडेल २०१५ देखि २०१७ सम्मको कार्यकालमा एनसीसी बोर्ड सदस्य थिए । विधान कमिटीको वर्तमान संयोजक रहेका पौडेलले आसन्न निर्वाचनमा आईसीसी सदस्यका लागि उम्मेदवारी दिनुभएको हो ।
नेपालमा नै सरकारी सेवामा राम्रो अनुभव संगालेका पौडेलले अमेरिका पुगेपछि सोही पेशालाई निरन्तरता दिनु भएको छ । नेपाल र नेपालीको माया स्वदेशभन्दा प्रवासमा अझ बढी हुने पौडेलले बताए । युवा पुस्तालाई प्राविधिक सीप र ज्ञानले युक्त बनाउने उहाँको लक्ष्य छ ।नविन सीप र प्रविधिले नै आधुनिकता दर्शाउने उहाँको भनाइ छ । प्रविधिमैत्री बनाउन म केन्द्रीत हुनेछु,’ उहाँले भन्नुभयो । अहिले अमेरिकी नेपाली समुदायबीच उहाँ एक बौद्धिक र क्षमतावान व्यक्तित्वमा रुपमा परिचित हुनुहुन्छ ।
एनआरएनए आईसीसीलाई नेपालीको साझा चौतारीको रुपमा विकास गर्ने अठोटका साथ अघि बढ्दै आउनु भएका पौडेलले आफू सधै नेपाल र नेपालीको हितमा लड्ने, अवसरहरू सिर्जना गर्ने लक्ष्यका साथ अघि बढेको बताए । अमेरिकाभरि छरिएर रहेका सबै वर्ग, धर्म, जातजाती, लिङ्गलाई समेट्दै एउटै संजाल बनाउन लागि पर्ने उहाँको भनाइ छ । ‘अमेरिकी नेपालीको साथ र सहयोगबाट म एनआरएनए आईसीसीको सदस्य पद्मा निर्वाचित भएमा नेपाल र प्रवासी नेपालीबीच प्रत्यक्ष सहयोग र समन्वय गर्ने वातावरण सिर्जना गर्नेछु,’ उहाँले भन्नुभयो ‘नेपालीका लागि नेपाली नै’ भन्ने मूल मन्त्र बोकेर म चुनावी मैदानमा उत्रिएको हो ।’ प्रवासी नेपालीहरूलाई एकत्रित गर्दै नेपालको कला, धर्म, संस्कृति, पर्यटनको विकासमा टेवा पु(याउने उहाँले चुनावी एजेण्डा छ ।रामेछाप जिल्लामा जन्मेर पुल्चोक इन्जिनियरिङ क्याम्पसबाट सिभिल इञ्जिनियरिङमा स्नातक गरेका पौडेल सन् २०१२ देखि अमेरिकाको मेरिल्याण्ड च्याप्टरमा बस्दै आउनु भएको छ ।
उहाँ कलेज पढ्दा नेपाल विद्यार्थी संघ एकाइ समितिको अध्यक्ष नै हुनुभएको थियो । यति मात्र होइन पौडेलको विद्यार्थी जीवन सक्रिय राजनीतिमा वितेको थियो । पढाइ सकेपछि भवन विभागमा उहाँले पेशागत कार्य सम्पादन समेत गर्नु भएको थियो ।
