एजेन्सी, १४ माघ २०७५ । चीनको ग्वान्जाओ बाइयुन अन्तर्राष्ट्रिय विमानस्थलमा चीनले नयाँ पुस्ताको इन्टरनेट सेवा ५जी शुरु भएको छ । चीनले आफ्नो दक्षिण प्रान्त ग्वान्डोङ प्रान्तमा ५ जीको बेस स्टेसन खोलेको हो ।

यो चीनको ५जी सेवाको परीक्षण शुरु गरिएको पहिलो विमानस्थल हो । यो नेटवर्कले अहिले प्रतिसेकेण्ड १।१४ जीबी डाटाको स्पिड दिन सक्छ । यो अहिले जारी रहेको ४ जीको तुलनामा करिब ४० गुणा छिटो हो ।

चिनियाँ सञ्चार माध्यम सिन्ह्वाले दिएको जानकारीअनुसार यो ५जी बेस चीनको यूनीकोमको ग्वान्जावो शाखाले निर्माण गरेको हो । यो नेटवर्क हुवावेईको दूरसञ्चार उपकरणबाट सञ्चालनमा ल्याइएको हो ।

चीनको लागि यो विमानस्थल निकै महत्वपूर्ण रहेको छ । सन् २०१७ मा यो विमानस्थलबाट ६ करोड ५८ लाख मानिसले यात्रा गरेका थिए । विमानस्थलका सावै ग्वान्जावो सहरको महत्वपूर्ण क्षेत्रका साथै औद्योगिक क्षेत्रमा पनि ५जी सेवा शुरु गरिएको छ ।

जानकारीको लागी तल फोटोमा किल्क गर्नु होला ,सुमेघ ट्राभल्स्