ललितपुर,६ पौष २०७५ । नेपालकै सर्बाधिक चर्चित रियालिटी शो ‘नेपाल आइडल’ सिजन २ को ग्रान्ड फिनाले आज शुक्रबार) हुने भ​एको छ । ‘नेपाल आइडल सिजन २’ ले टप ४ प्रतिस्पर्धी पाइसकेको छ ।

आज (शुक्रबार) साँझ ५ बजे ‘नेपाल आइडल सिजन २’ को ग्रान्ड फिनाले पुल्चोक ईन्जिनियरिङ क्याम्पस ग्राउन्डमा हुने भ​एको छ । नेपाल आइडलको बिजेता पाउने तयारीमा रहेको नेपाल आइडलमा बिक्रम बराल , सुमित पाठक, अस्मिता अधिकारी र रबि ओड बाँकी रहेका छन् ।

बिहिबार प्रशारण भएको एपिसोड ३५ मा रबि ओड, बिक्रम बराल, सुमित पाठक र अस्मिता अधिकारीले आफ्नो जोडदार प्रस्तुति दिईसकेका छन् । अब यी उत्कृष्ट ४ जना प्रतिस्पर्धीहरुको प्रस्तुतिको आधारमा भोटिङ मार्फत ‘नेपाल आइडल सिजन २’ को बिजेता छान्ने पालो सम्पूर्ण दर्शकहरुको पोल्टामा गएको छ ।

अहिले रहेका सबै प्रतिस्पर्धीहरु उत्तिकै राम्रा छन् र सबैको पकड फ्यान बीच राम्रो छ। पोखराका बिक्रम बराल , सुदुरपश्चिमका रबि ओड , झापाका सुमित पाठक र अस्मिता अधिकारी सबै नेपाल आइडल विजेताका दाबेदार बनिसकेका छन् ।

नेपाल आइडलमा हजारौँ प्रतिस्पर्धीलाई पछि पार्दै यहाँ सम्म आइपुगेका उत्कृष्ट ४ जना प्रतिस्पर्धीहरु मध्ये एक नै नेपाल आइडल बन्ने छन् ।

‘नेपाल आइडल सिजन २’ को बिजेता को बन्छ यो भने शुक्रबार बेलुका नै थाहा हुनेछ ।

जानकारीको लागी तल फोटोमा किल्क गर्नु होला ,सुमेघ ट्राभल्स्