गोरखा, ४ पौष २०७५ । गोरखाको सहिद लखन गाउँपालिका-२, मनकामनाका सुन्तला खेती गरिरहेका किसानलाई ‘किसान परिचयपत्र’ दिन थालिएको छ ।

प्रधानमन्त्री कृषि आधुनिकीकरण परियोजनाअन्तर्गत परियोजना कार्यान्वयन एकाइ सुन्तला जात फलफूल जोनले व्यावसायिक सुन्तला खेती गर्ने किसानलाई परिचयपत्र दिन थालेको हो ।

किसानलाई व्यावसायिक खेती गर्न प्रेरणा मिलोस् भनेर परिचयपत्र दिइएको परियोजनाका प्रमुख अजय अधिकारीले जानकारी दिए ।

अमिलो जातका फलफूलको व्यावसायिक खेती गर्दै जिल्लाभरका १ हजार २ सय किसानलाई चालु आर्थिक वर्षमा परिचयपत्र प्रदान गर्ने योजना छ। ‘सुन्तला जोन क्षेत्रभित्रका सबै किसानलाई परिचयपत्र दिने तयारी गरेका छौं,‘परियोजना प्रमुख अधिकारीले भने ।

परिचयपत्र लिन किसानले निवेदनसँगै दुईप्रति फोटो, नागरिकता र लालपुर्जाको फोटोकपि बुझाउनुपर्ने व्यवस्था गरिएको छ। परिचयपत्र लिन चाहने किसानले कम्तीमा सुन्तलाका २० बोट, कागती वा अमिलो जातका फलफूल खेती गरेको हुनुपर्ने परियोजनाका सञ्चालक समितिका संयोजक धुव्रप्रसाद खनालले बताए ।

परिचयमार्फत किसानले बारीमा लगाएका सुन्तला खेतीको जानकारी लिन सकिने संयोजक श्रेष्ठले बताए। ‘परिचयपत्र वितरणपछि किसानलाई उपलब्ध गराइने अनुदानलाई व्यवस्थित गर्न सहज हुनेछ,’ उनले भने ।

जानकारीको लागी तल फोटोमा किल्क गर्नु होला ,सुमेघ ट्राभल्स्