काठमाडौं, १८ कात्तिक २०७५ । गायिका कला लम्साल यतिबेला लन्डनमा आफ्नो प्रस्तुति दिन व्यस्त छिन् ।

शान्ति नेपाली समाजको निमन्त्रणामा बेलायत आएकी कलाले बिर्मिङहम, लेस्टर, अल्डरसट, लन्डन हयारो, साउथहललगायतको शहरमा आफ्नो प्रस्तुति दिइसकेकी छिन् ।

अन्य शहरहरुमा पनि प्रस्तुती दिने तयारीमा रहेकी उनले यहाँका नेपाली समूदायले दिएको आतिथ्यता र मायाले उत्साहित बनाएको प्रतिक्रिया दिइन् ।

तनहुँ थर्पुकी कलाले उनले भनिन्, ‘प्रवासमा समेत लोक गायन र कला संस्कृतिप्रति नेपालीको लगाव देखेर निकै खुसी लागेको छ । यसले कला क्षेत्रमा लाग्न थप उत्साहित बनाएको छ ।’

२०६२ सालदेखि गायन क्षेत्रमा औपचारिक रुपमा प्रवेश गरेकी कलाले २०६५ सालमा चर्चित गायक खुमन अधिकारीसाग मिलेर ‘मन पाए खुसी हुन्थेँ म’ नामक एलब्म निकालिन् ।

त्यसपछि उनले ‘नाकै हेर्दा थाहा हुने’, ‘फूलको डाली’, ‘छड्के तिलहरी’, ‘दही जमाउने ठेकी’, ‘बनैमा फूल्यो चमेली’लगायतका एल्बम निकालिसकेकी छिन् ।

कलाले बेलायतअघि भारत, दुबई र रसियामा पनि आफ्नो प्रस्तुति दिइसकेकी छिन् ।

जानकारीको लागी तल फोटोमा किल्क गर्नु होला ,सुमेघ ट्राभल्स्