काठमाडौं, चैत २५

अर्थ मन्त्रालयले आर्थिक वर्ष २०७६\७७ को बजेट निर्माणको तयारी शुरु गरेको छ । जेठ १५ गतेभित्र बजेट सार्वजनिक गर्नुपर्ने संवैधानिक बाध्यता अनुसार अर्थ मन्त्रालयले बजेट निर्माणको तयारी शुरु गरेको हो ।

संवैधानिक व्यवस्थाअनुसार अर्थ मन्त्रालय आव २०७६÷७७ को बजेट निर्माणको आन्तरिक गृहकार्यमा जुटेको छ । बजेटका लागि अर्थ मन्त्रालयले विज्ञहरूबाट आवश्यक सुझावसमेत माग गरेको छ । आन्तरिक राजस्व उप–समितिले सार्वजनिक सूचना जारी गरेर सुझाव मागेको हो । सुझावमा राजस्व नीति, मूल्य अभिवृद्धि कर, आयकर, अन्तःशुल्क, भन्सार महसुल र गैरकरलगायत रहेका छन् ।

सरकारले आगामी आवका लागि ल्याउने बजेट राष्ट्रिय योजना आयोगको १५ औं पञ्चवर्षीय योजनाको आधारपत्रमा आधारित हुने जनाइएको छ । राष्ट्रिय योजना आयोगले आव २०७६\७७ का लागि करिब १५ खर्ब रुपैयाँको बजेट सिलिङ तोकेको छ । सोही सिलिङभित्र बजेट आउने प्रावधान रहेको छ ।

आगामी आवको बजेटबारे प्रधानमन्त्री केपी शर्मा ओली र सबै प्रदेशका मुख्यमन्त्रीबीच पनि छलफल भइसकेको छ । सरकारले गत १५ जेठमा चालू आवका लागि कुल १३ खर्ब १५ अर्ब १६ करोड १७ लाख रुपैयाँको बजेट ल्याएको थियो ।

जानकारीको लागी तल फोटोमा किल्क गर्नु होला ,सुमेघ ट्राभल्स्