पृथ्वी राजमार्ग अन्तर्गत झ्याप्ले खोलाको पहिरोमा पुरिएका सवारी साधनबाट दुई दिनमा जम्मा २९ वटा शव निकालिएको छ ।
शनिबार साँझसम्म बस र माइक्रो बसबाट १४ वटा शव निकालिएको थियो भने आइतबार मात्रै त्यहाँबाट १५ वटा शव निकालिएको छ ।
झ्याप्ले खोलाको पहिरोमा अहिले पनि उद्धार कार्य जारी रहेको छ । अधिकांश शवको पहिचान भइसकेको छैन । आइतबार निकालिएका १५ शवमध्ये ११ जना पुरुष र ४ जना महिला रहेको प्रहरीले जनाएको छ ।
यसैबीच गोरखाबाट काठमाडौंका लागि आउने क्रममा सम्पर्कविहीन भएको बस पनि झ्याप्ले खोलाको पहिरोमा पुरिएको हुनसक्ने उद्धार टोलीले जानकारी दिएको छ ।
झ्याप्ले खोलामा अहिले पनि नेपाल प्रहरीसहित सशस्त्र प्रहरी र सेनाको टोली पनि उद्धारमा खटिएका छन् । तीन दिनदेखिको अविरल वर्षासँगै आएको बाढीपहिरोमा परी देशभर मृत्यु हुनेको संख्या १ सय भन्दा धेरै पुगिसकेको छ । दर्जनौं मानिस बेपत्ता छन् ।
