- ADVERTISEMENT -
https://rbb.com.np
- ADVERTISEMENT -

बंगलादेशलाई सबैभन्दा न्यून स्कोरमा रोक्ने एसोसियट राष्ट्र बन्यो नेपाल, अरु के के बने रेकर्ड ?

June 17, 2024
214
Shares
- ADVERTISEMENT -
- ADVERTISEMENT -

टी-२० विश्वकपअन्तर्गत नेपाल र बंगलादेशबीचको खेलमा केही रोचक कीर्तिमान बनेका छन् । आज बंगलादेशले बनाएको स्कोर २० ओभरको खेलमा कुनै पनि एसोसियट राष्ट्रविरुद्ध उसको सबैभन्दा न्यून स्कोर थियो ।

यसबाहेक अरु के के रेकर्ड बने त ?

  • बंगलादेशले १०६ रनको स्कोर सफलतापूर्वक रक्षा गर्‍यो । टी-२० विश्वकपमा अहिलेसम्म कुनै पनि टीमले रक्षा गरेको यो सबैभन्दा न्यून स्कोर हो । अर्थात् पहिलो इनिङमा पूरा २० ओभर खेलेर यति थोरै रन बनाएर खेल जितेको इतिहास थिएन । यसअघि गत सातामात्रै बंगलादेशविरुद्ध नै साउथ अफ्रिकाले न्यूयोर्कमा ११३ रनको स्कोर रक्षा गरेर इतिहास रचेको थियो । उक्त कीर्तिमान बंगलादेशले नै तोड्यो ।
  • टी-२० अन्तर्राष्ट्रिय क्रिकेटमा एउटा फुल मेम्बरले १०६ भन्दा कम रन बनाएर दुई पटकमात्रै खेल जितेको छ । वेस्ट इन्डिजले सन् २०१४ मा आयरल्यान्डविरुद्ध ९ विकेटको क्षतिमा बनाएको ९६ रनलाई सफलतापूर्वक रक्षा गरेको थियो । त्यस्तै सन् २०१० मा जिम्बाबेले वेस्ट इन्डिजविरुद्ध सबै विकेट गुमाएर १०५ रनमात्र बनाएर पनि खेल जितेको थियो ।
  • बंगलादेशका बलर तान्जिम हसन सकिबले आज नेपालविरुद्ध चार ओभर फ्याँक्दा २१ बल डट राख्न सफल भए । यो टी-२० विश्वकपको खेलमा कुनै पनि बलरले राखेको सबैभन्दा धेरै डट बलको कीर्तिमान हो । योभन्दा अगाडि ९ जना बलरले २० बल डट राखेका छन् । तीमध्ये ७ रेकर्ड यही विश्वकपमा बनेका हुन् ।
  • आज बंगलादेशलाई नेपालले १०६ रनमा अलआउट गरेको थियो भने नेपाललाई बंगलादेशले ८५ रनमा अलआउट गर्‍यो । टी-२० विश्वकपमा योसमेत तीन पटकमात्रै दुवै टीमका ब्याट्सम्यान अलआउट भएका छन् । यसअघि सन् २०१० मा अष्ट्रेलिया र पाकिस्तान तथा सन् २०१४ को विश्वकपमा श्रीलंका र न्यूजिल्यान्डको खेलमा मात्रै यस्तो भएको थियो ।
  • बंगलादेशका दुई बलर मुस्तफिजुर रहमान र तान्जिमले चारचार ओभर बलिङ गर्दा ७-७ रनमात्र खर्चिए । बंगलादेशका कुनै पनि बलरले चार ओभर बलिङ गर्दा न्यून रन खर्चेको रेकर्ड उनीहरुले बराबरी गरेका छन् । यसअघि रिसाद होसेनले अमेरिकाविरुद्ध यसै वर्ष ७ रनमात्रै खर्चेर आफ्नो बलिङ कोटा पूरा गरेका थिए ।
  • कुनै पनि पुरुष टी-२० अन्तर्राष्ट्रिय म्याचमा एउटा टीमका दुई ब्याट्सम्यानले अर्धशतकीय साझेदारी गरेर पनि बनाएको तेस्रो थोरै रनको रेकर्ड आज नेपालले राखेको छ । नेपालका दीपेन्द्रसिंह ऐरी र कुशल मल्लबीच ५२ रनको साझेदारी भएको थियो, तर नेपालले ८५ रनमात्रै जोड्न सक्यो । यसअघि नर्वेले जर्मनीविरुद्ध सन् २०२१ मा ७६ रन बनाएको थियो । जबकि आठौं विकेटका लागि दुई ब्याट्सम्यानले ५९ रनको साझेदारी गरेका थिए । यस्तै सन् २०२२ मा घानाविरुद्धको खेलमा क्यामरुनका ओपनर ब्याट्सम्यानले ५२ रनको पार्टनरसीप गरेका थिए, तर क्यामरुन ७६ रनमा अलआउट भएको थियो । टी-२० विश्वकपमा भने नेपालको कीर्तिमान हो । यसअघि सन् २०२१ मा आयरल्यान्ड श्रीलंकाविरुद्ध १०१ रनमा अलआउट भएको थियो ।
  • बंगलादेशले आज बनाएको १०६ रन कुनै पनि फुल मेम्बरले टी-२० विश्वकपमा एसोसियट राष्ट्रविरुद्ध बनाएको दोस्रो सानो स्कोर हो । पहिलो सानो स्कोर सन् २०१४ मा इंग्ल्यान्डले नेदरल्यान्ड्सविरुद्ध बनाएको ८८ रन थियो ।
  • बंगलादेशले बनाएको १०६ रन एउटा फुल मेम्बरले अन्तर्राष्ट्रिय टी-२० मा एसोसियट्सविरुद्ध बनाएको पाँचौं सानो स्कोर हो । बंगलादेशको चाहिँ सबैभन्दा सानो स्कोर यही नै हो । यसअघिको सानो स्कोर हङकङविरुद्ध सन् २०१४ मा बनाएको १०८ रन थियो ।

- ADVERTISEMENT -
- ADVERTISEMENT -
- ADVERTISEMENT -
www.simpaninews.com