एकदिवसीय सिरिजअन्तर्गत आज भएको तेस्रो खेलमा नेपालले क्यानडामाथि ९ विकेटको सहज जीत हात पार्दै सिरिज क्लिनस्वीप गरेको छ ।

काठमाडौं त्रिभुवन विश्वविद्यालयको खेलमैदानमा नेपालले टस जितेर बलिङ गरेको थियो । बलिङको निर्णय सही सावित गर्दै नेपालले क्यानडालाई निर्धारित ५० ओभरमा २ सय ३२ रनमा सीमित राख्न सफल भयो । क्यानडाका लागि नवनित धलिवालले सर्वाधिक ५० रन बनाउँदा निखिल दत्ताले ४५ र कप्तान साद बिन जफरले ३१ रनको योगदान दिए । बलिङतर्फ नेपालका हेमन्त धामीले आफ्नो डेब्यु खेलमै ३ विकेट चट्काउन सफल भए भने कुशल मल्लले पनि दुई विकेट हासिल गरे ।

प्रतिउत्तरमा दुई सय ३३ रनको लक्ष्य नेपालले एक विकेट मात्र गुमाउँदै ४४.३ ओभरमा पूरा गर्यो । नेपालका लागि दुई खेलाडीले शतकीय योगदान दिए । ओपनर अनिल शाहले ११२ रनको उत्कृष्ट पारी खेल्दा तेस्रो नम्बरमा आएका भीम सार्कीले पनि १०१ रनको योगदान दिए । अर्का ओपनर कुशल भुर्तेलले १३ रन बनाए ।

यस सँगै नेपालले तीन खेलको शृङ्खला ३-० ले जितेको छ ।

जानकारीको लागी तल फोटोमा किल्क गर्नु होला ,सुमेघ ट्राभल्स्