चितवनमा वडाध्यक्षलाई कालोमोसो दल्नेहरुमध्ये दुई जना समातिएका छन् । गत सोमबार कालिका नगरपालिका ३ का वडाध्यक्ष टिकाराज रिजाललाई उनकै कार्यकक्षमा पसेर झण्डै आधा दर्जन व्यक्तिले कालोमोसो दलेका थिए ।
लुकाएर लगिएको कालोमोसो रिजाललाई दलेपछि उनलाई लछार–पछार र दुर्व्यवहार गर्दै ढोकामा ल्याएर जुत्ताको माला लगाउने प्रयास गरिएको थियो । त्यसपछि उनीहरु फरार भएका थिए ।
प्रहरीले खोजतलास गर्ने क्रममा उक्त घटनामा संलग्नमध्येका चितवनको राप्ती नगरपालिका ४ भण्डारा बस्ने वर्ष ३७ को गुणराज श्रेष्ठ र अर्का ३७ वर्षीय सागर राईलाई मकवानपुरमा लुकिछिपी बसेको अवस्थामा पक्राउ गरेको छ । उनीहरुमाथि थप अनुसन्धान भइरहेको बताइएको छ ।
